Qqim-d ad tent-nemyeḥku
Ad tent-nemyini
Ansi akken ara tent-id-nebdu
Tiggujjelt temẓi
Taqbaylit tadyant-inu
Iberdan tayri
Targigit d tugdi,akukru
Lḥif d anagi
Uɣalent irkelli d asefru
D netta ay d anagi
Xedmeɣ asefru serheɣ-as ad imerreḥ(2)
Am lebni n uẓru
Lsas yezga-d ɣef sseḥ
Yiwen ad t-yesru
Ma d wayeḍ ad t-yessefreḥ
Uḥdiq ad t-yecnu ma d ungif ad as-yecḍeḥ(2)
Xedmeɣ asefru serḥeɣ-as ad
Yennemḍar(2)
S anda akken iteddu
Ur yezmir ad d-iwexxer
Yiwen ad as-yecfu
Ma d wayeḍ ad as-yebru
Ad t-yeḥqer
Yiwen ad t-yettu ma d wayeḍ ad t-id-ifekker(2)
Uriɣ asefru ay yellan deg-s ay awal(2)
Asmi it-nettaru
Nnan-as akk d lmuḥal
Mi yebda iteddu
Nwan d tazzla ar miḥlal
Ziɣ kullec ikeffu nutni kfan nekkni mazal(2)
Cniɣ asefrus-yes i cebbḥeɣ ccna(2)
Asmi it-nettargu
Anda-kent a tlatin ssna
Allaɣ yettfuru
Imi tesgugem-it leḥya
Akud ileḥḥu neckunteḍ deg-s nelḥa(2)
Nniɣ-d asefrudeg-s leḥsab akk ulac(2)
Mebla aɣummu
I as-briɣ gar warrac
Ihub-d waḍu
Yezreɛ-it deg leɛrac
Tafsut d uɣuru yuɣal ɣef nneqma n yizembac(2)
Seggmeɣ asefru am tsarut di tewwurt (2)
Ass-nni amenzu
Aṭas i as-igan tacrurt
Ufiɣ d ucengu
Ufiɣ d ccetwa d tagut
Ay lxir-inu yessaɣ-d yiṭij ɣef tmurt
Wwiɣ-d asefru am umaddaz deg umehraz(2)
Wi gren yes-s yeglu
A win i yuwet ad t-iḥaz
Ɣer yixsimen-inu uɣaleɣ d yir argaz(2)
Wi i nwan ad d-teḍru ufiɣ-t s arrac deg uɣerbaz(2)
Wi i nwan ad d-teḍru lemdent warrac deg uɣerbaz
Wi i nwan ad d-teḍruyuɣal d tamsirt deg uɣerbaz