Tamurt n leqbayel inu ad iyi-d-tessawal. (2)
Anida i nebɣa neddu ar dina ad nuɣal.
I tcebḥeḍ ay anebdu, nectutem ay aɣerrabu, deg Yilel Agrakal. (2)
Ay abeḥri i d-yeffalen sself-iyi tɛeddiḍ. (2)
Aman am zzit rrsen tecruruqen ay iḍ.
I tcebḥeḍ ay anebdu, nectutem ay aɣerrabu, iwumi telliḍ. (2)
Igenni am tlelluct aggur d yitran. (2)
Tesseɛseɛ tfug tqeccuct nnig iselman.
I tcebḥeḍ ay anebdu, nectutem ay aɣerrabu, a zerrben wussan. (2)
Azekka ad yali wass, ad d-yali yiṭij (2)
Ifeṭṭiwej-nni s ṭṭya-s ad yettemlehwij
I tcebḥeḍ ay anebdu, nectutem ay aɣerrabu, d nekk i d uɛwij. (2)
Mmɣeɣ ddmeɣ-d snitra,ad d-nawi yiwet. (2)
S aman teɣli-iyi rrica, s yicer i tt-newwet.
I tcebḥeḍ ay anebdu, nectutem ay aɣerrabu, lɣerba-w tecmet. (2)