Ei eldraud kveldsol sig i hav
Og her i avdagselden
Kan hjarta gløyme krav og kav
Og kvile ut i kvelden
Ei furu står i skrinne jord
Det susar lint i baret
Småbåror kviskrar løynde ord
Til bløretang og tare
♪
Dei bårene som går mot land
Og syng si same salme
Dei rullar og mot framand strand
Med mandeltre og palme
Det ropar røyster i meg; Kom!
Til andre land og lende
Men kjenner milde hender som
♪
Dreg tanken stilt attende
Langt ute høyres bylgjebrot
Sjøfuglen ber seg ille
Draugen ror sin halve båt
Mot natt og skymingstille
Ei eldraud kveldsol sig i hav
Og her i avdagselden
Kan hjarta gløyme krav og kav
Og kvile ut i kvelden