Aye Gumbad-e-Khazra ke maki-n waqt-e-madad hai.
Aye taaje nabuwat ke nagi-n waqt-e-madad hai.
Aye badre atan mahn mubi-n waqt-e-madad hai.
Aye fath-e-nishan arshe nashi-n waqt-e-madad hai.
Aye Hamido aye Ahmedo Mahmoodo Muhammad
Aye badshah-e-deen-e-matin waqt-e-madad hai.
Mehboob-e-khuda behr-e-khuda laiye tashrif
Lekar alam-e-fath-e-mubi-n waqt-e-madad hai.
Hai ummat-e-marhuma teri bekaso lachar
Taskeen tahe kalb-e-hazi-n waqt-e-madad hai.
Narge may shayatin ke hai shaha tere khuddam
Sultan-e-zama-n shah-e-zamin waqt-e-madad hai.
Taiyaar girne ko falak sar pe hamare
Aamaad hai fatne ko zamin waqt-e-madad hai.
Jine ka sahara hai na marne ka thikana
Bemaut na marjaye kahin waqt-e-madad hai.
Juz tere nahi koi hame poochnewala
Hai tur falak tang zamin waqt-e-madad hai.
Oham parasto ki ghulami se bacha le
Aye qibla-e-arbab-e-yaqeen waqt-e-madad hai.
Aye hadi-e-kool fakhr-e-rusul sahib-e-mairaaj
Shah-e-do jahan sarwar-e-di-n waqt-e-madad hai.
Aaqa teri sarakr may hazir hai gunahgaar
Aye ummat-e-ashin ke moin waqt-e-madad hai.
Lillah nigahe karamo judo ataa ho
Aye haq ki amanat ke amin waqt-e-madad hai.
Soon apne wali aashiq-e-shohrida ki fariyaad
Aye Gumbad-e-khazra ke maki-n waqt-e-madad hai.