Vo de Tecki obenabe isch e liisligs Sirre z ghöre
Will Tecki isch e riesigs Spinenetz us Neonröhre
Du stohsch imene endlose Zimmer i de Mitti
Oder am Rand
Kei Ahnig
Und denn gsehsch i de Wiiti
Öppis flackere
Du laufsch druf zue und merksch mit de Ziit
Es isch e Neonröhre
Wo langsam ihren Geischt ufgit
Sie hät d Form vomene Pfiil
Du laufsch i d Richtig woner zeigt
Du laufsch und laufsch und laufsch und laufsch e Ewigkeit
Und denn verwachsch wieder nume
Idinere Wonig
Vor em einte Fenschter schifft's
Und vor em andere isch sunig
Ja verwachsch wieder nume
Idinere Wonig
Din Grossvater häsch gar nie richtig kennt
Zersch bisch z chlii gsi
Und spöter hend eu Wälte trennt
Und jetz stoht er i de Tür
Und sitzt zu dir an Tisch
Und verzellt dir vo voruss
Und alem wo wichtig isch
Du losisch zue und machsch ihm Tee und wirsch immer chliner
Er seit wo häsch denn dini Flügel
Und er suecht i allne Zimmer
Und denn gönder use und fahred mit em John Deere
Anere Füürwehrmusig
Dur d Wiehnachtsfiir
Und du verwachsch wieder nume
Idinere Wonig
Vor em einte Fenschter schifft's
Und vor em andere isch sunig
Ja verwachsch wieder nume
Idinere Wonig
Und im Verputz a de Wand gsehsch Gsichter
Und Forme
Tier frässed Lüt frässed Tier
Und immer wieder vo vorne
D Auge wachsed ne zue und d Bei wachsed ne zäme
Du vergässisch ihri Gsichter
Du vergässisch ihri Näme
Und du verwachsch wieder nume
Idinere Wonig
Vor em einte Fenschter schifft's
Und vor em andere isch sunig
Ja du verwachsch wieder nume
Idinere Wonig