Mir hend ihm Velochlauer gseit
Er hät nöd sälber klaut
Er hät anderi zahlt defür
Und sich früe öppis ufpaut
Mis isch au emol verschwunde
No samt de Stützrädli dra
Und e paar Wuche spöter
Hät's en Erschtklässler gha
I ha de Velochlauer fasch vergesse
Er wohnt über üsere Stadt
Er hät en Park und züchtet Pfaue
Isch letschti gstande im Tagblatt
Letscht Nacht hani vo ihm träumt
I ha's zersch gar nöd gschnallt
Mir hend en gheime Tunnel gfunde
Bim spaziere im Wald
Mir sind am Liechtschimmer no
Und wo mir use cho sind
Hät's en Springbrune gha und alti Bäum
Und e riesigs Labyrinth
De Velochlauer isch uf üs zue cho
Mir hend gwüsst jetz müemer ihn töde
Aber er hät üs d Hand ggeh
Und mit üs agfange rede
Du häsch e Schwert under dim Mantel gha
Und er hät gfroget wa mir so mached
Du häsch es füre gno und bisch uf ihn los
Aber de Velochlauer hät nume glachet
Me hät üs z trinke proocht
Und öppis hät nüme gstimmt
Und er plötzlich wäg
Und mir im Labyrinth
Mir händ em Velochaluer gseit
Er hät nie sälber klaut
Er hät anderi zahlt defür
Und sich so früe öppis ufpaut
Letscht Nacht hani vo ihm träumt
Mir heged ihn müesse töde
Aber er hät nume glachet
Und mit üs agfange rede