Mani Matter - Bim Coiffeur - текст песни и слова, похожие исполнители

Kishore Kumar Hits — Mani Matter - Bim Coiffeur текст песни

Исполнитель: Mani Matter

альбом: Ir Ysebahn

Bim coiffeur bin i gsässe vor em spiegel, luege dry
Und gseh dert drinn e spiegel wo ar wand isch vis-à-vis
Und dert drin spieglet sech dr spiegel da vor mir
Und i däm spiegel widerum dr spiegel hindefür
Und so geng wyter, s'isch gsy win e länge korridor
I däm my chopf gwüss hundertfach vo hinden und vo vor
Isch ufgreit gsy i eier kolonne, z'hinderscht isch dr chopf
I ha ne nümme gchennt, so chly gsy win e goofechnopf
My chopf, dä het sich dert ir wyti, stellet öich das vor
Verloren ir unäntlechkeit vom länge korridor
I ha mi sälber hinde gseh verschwinde, ha das gseh
Am heiterhälle vormittag und wi wenn nüt wär gscheh
Erchloepft han i mys muul ufgschperrt, da sy im korridor
Grad hundert müüler mit ufgange win e männerchor
E männerchor us mir alei, es cheibe gspässigs gfüel
Es metaphysischs grusle het mi packt im coiffeurgstüel
I ha d'serviette vo mer grissen, ungschore sofort
Das coiffeurgschäft verla mit paar entschuldigende wort
Und wenn dir findet i sött e chly meh zum coiffeur ga
De chöit dir jitz verstah warum i da e hemmig ha

Поcмотреть все песни артиста