Arpappunga malugalugu malinneqarlunga
Ikusimiaq
Kiinara attorlugu
Noqinneqartutut ililluni
Unippunga uniffeqarnanga isigalugu
Avatangiisera uumaneranik malunnartoqanngilaq
Sumukarfissaaruppunga
Uissangujartorpunga
Pulaffigineqarnissara
Mattuppara
Sukkanerpaamik aqqut ammasoq nakkutigalugu
Tunummut qiviaqqajaananga
Sumimita nuissava?
Nukillaartutut eqisaartutut aalalerpunga
Malugisaqalerlungalu
Sunaana siuninniittoq?
Silaannarmiit nakkarpunga
Anersaap anersaarmanga
Uuuh arsarnerit
Annaanneqartutut ikikkoqalersillugu
Uuuh qimagutilerpoq
Silaannaap ujaraata sipivaa