Scho min Dad het gseit
S gat nöd um Erfolg.
Ich mues nur alles gä
Und scho isch er Stolz.
Ich mues alles gä
Würkli alles gä,
Han ich alles gä
Bin ich en wahre Champ.
Jetzt los mal zue min Sohn
Es gat nid nur um din Erfolg.
Es gaht me drum das alles gisch,
Denn so machsch du din Daddy stolz.
Du mues alles gä,
Muesch würkli alles gä,
Will häsch du alles gä
Bisch du für mich en wahre Champ.
Und au en Champ verlürt,
Aber en Champ stat uf
Und wän en Champ siegt,
Hilft er am Verlürer uf.
Ob Sieg, ob Niderlag
Es gat niemals um din Erfolg.
Bis en wahre Champ
Und din Daddy de isch stolz.
Ich sitz imene Park amene Härbsttag
Plözlich stat er da
Fragt ob ich de Plaz näb mir frei mach?
Ich nick grad er sitzt ab
Jetzt sitzt da en Bueb.
Wär grad uf em Heiwäg zum Zmitag
Am Wäg hei vor Schuel und
I sire Hand en Brief
Dä ad Mam adressiert,
Aber sini Zuekunft
Heg ihn zum uftue animiert.
Dänn im Brief wo er da list,
Da gächis ja e um ihn.
S'stöchi drin
Widerhole empfole vor Lehrerinn.
Er hegi sich agsträngt,
Heg hart glärnt
Doch wäns hart uf hart chäm.
Wäg Diskalkuli halt kei Chance
Und er sigi chli blöd im Grind,
S'chöm ihm amigs nöd in Sinn
Sogar d' 3-er Reihe segi 2 Level z'höch für ihn.
Ich säge s' isch nid so Schlimm,
Dass das nur Zahle sind
Doch er meint d'Mam heg scho gnueg Sorge ohni ihn
Denn sit de Papi gange sigi sorgi si eilei für d'chind.
Brüelend meint er
Das er mit de Neuigkeit nöd hei ga will.
Wo ich die Träne gse chunt mer ufsmal in Sinn
Wie ich als chlises Chind
Damals im Fuesball bin,
Mir am verlüre sind.
Spielstand 0: 1
Wie de Schiri ir Nachspielziit uf de Punkt zeigt.
Han im Träning stets 9 vo 10 troffe,
Nimm Alauf, gschosse, Päch, Pfoste
Ghei uf d'chnü
E träne im aug.
Da nimmt min Daddy mich id arm und seit.
Jetzt los mal zue min Sohn
Es gat nid nur um din Erfolg.
Es gaht me drum das alles gisch,
Denn so machsch du din Daddy stolz.
Du mues alles gä,
Muesch würkli alles gä,
Will häsch du alles gä
Bisch du für mich en wahre Champ.
Und au en Champ verlürt,
Aber en Champ stat uf
Und wän en Champ siegt,
Hilft er am Verlürer uf.
Ob Sieg, ob Niderlag
Es gat niemals um din Erfolg.
Bis en wahre Champ
Und din Daddy de isch stolz.