Han mini Liabi verlora am ne Aben(d)ir Iisziit
Han denkt alles gäng nomol vo vorna bin gliich wiit
Dis Gsicht verfolgt mi in da Tröim ir Iisziit
Wiso het Gott di gholt, wiso mi nid ir Iisziit
Han mini Liabi verlora ama Tag im Summer,
Lichta Rega, 28 Grad, laufa Barfuass am Sandstrand
Unter Palma, in da Feria, Hand in Hand
Schriibend ins Herz üseri Nama in Sand
Irgendwo in dr Bretagne, as dämmeret ih
Miar as Huus gmiatet kha, wiit weg vo dr Schwiiz
Häand denkt Problem könsch lösa mit Flucht
Weg vor Droga und Schual, vo Familia und Schutz
A wirklich schrägi Ziit, miar 2 werdend zäma nüachtern
Und i merka wia mis Herz blüatet wia im Früalig
Wer hetti denkt dass das üseri letschta Täg sind
Weg vom Wahnsinn aber direkt in d'Arma vo Gott
Z'Schicksal kennt khai Erbarma wenn mi frogsch
I frog mi no hüt wia zum Teufel das Züg über d'Grenza brocht häsch,
As riist as Loch in mis Herz, i finds nid fair, aber hey was isch schu fair, gell...
Han mini Liabi verlora am ne Aben(d) ir Iisziit
Han denkt alles gäng nomol vo vorna bin gliich wiit
Dis Gsicht verfolgt mi in da Tröim ir Iisziit
Wiso het Gott di gholt, wiso mi nid ir Iisziit
Z'letschta woni vo dr gseh han isch din Rugga
Bisch aifach amol kurz ufgstanda und uf dr Schiissi verschwunda
I in dr Kuchi, i glaub mit Riis und Rüabli und Lauch
I erinnara mi an jedes Scheissdetail, du au?
Dia Moment sind unglaublich, wenn si reflektiarsch
I schniid Gmüas während du 5 Meter vo mer entfernt krepiarsch
Und i merk nüt, im Radio Sade und Blondie
Du mit dim Cocktail im Arm bi Gott und i koch für di
Stell Pfanna uf da Kochherd, trink min letscht Schlugg Pastis
I lang im Leba khai Pastis meh ah, i hass es
Denk mer so d'Ziit und überlegg an Moment
Werda ganz kurz still und säg din Nama in Wind
Säg en nomol und merka das do was nid stimmt
Tröchna d'Händ und werfa an kurza Blick
öffna d'Tüüra und alles was mer vo dem Moment isch bliiba
Isch dis Gsicht mit ufgrissna Auga und dis ewiga Schwiiga...
Han mini Liabi verlora am ne Aben(d) ir Iisziit
Han denkt alles gäng nomol vo vorna bin gliich wiit
Dis Gsicht verfolgt mi in da Tröim ir Iisziit
Wiso het Gott di gholt, wiso mi nid ir Iisziit
Han mini Liabi verlora am ne Aben(d) ir Iisziit
Han denkt alles gäng nomol vo vorna bin gliich wiit
Dis Gsicht verfolgt mi in da Tröim ir Iisziit
Wiso het Gott di gholt, wiso mi nid ir Iisziit