Fò w ta viv sa m viv santi sa m santi
Si w anpeche m fè erè w anpeche m grandi
Pa pran m pou modèl
Lavi m s on bòdèl
Ou ka met espwa w sou men m mpa nan wotè l
M fè foto konsyans mwen m wè imaj la twoub
M tcheke esans a mwen m wè pesonaj la doub
Koz M kreye on imaj de mwen epi m kache deyè l
Ki pa konn kote l prale men k ap di mache dèyèl
M pyeje nan pwòp bulle mwen anfèt m paka chanje mond
M pa klè sou anyen m tankou satelit a move ond
On pase anemi on prezan kap kriye san
M plede fè moun kwè m map boule pandan la ap triye sann
M paka konte konbyen pwojè ke m te plante
Men neglijans mwen fè anpil nan yo mouri nan rasin
Frigo leprim nan genlè l i pa konsève volonte
Fè m plen vye abitid jodia k ap pouri nan lavi m
M toujou ap ofri moun solisyon m toujou vle pale
Pandan au fond pwoblèm ap pitchkannen vi m jouk li dekale
Mtoujou vle ofri tèt mwen apa e sou on lòt plato
Men au fond m jis met vwal sou vre mwen an pou m mennen bato m
Fò w ta viv sa m viv santi sa m santi
Si w anpeche m fè erè w anpeche m grandi
Pa pran m pou modèl
Lavi m s on bòdèl
Ou ka met espwa w sou men m mpa nan wotè l
Osi evidan ke séchrès brize ke mòp
Konsa m blo kèk moun konsa tou m brize kè lòt
M fè desepsyon antre nan spektak vim san peye pri tikè
Msezi wè m k ap repwodwi menm aksyon m konn ap kritike
Kantite lien koupe m rive kolekte a lou
Koz sosylaman sinyal mwen fèb m pa ka konekte a moun
M sispann konte pwomès m fè tèt mwen m pa rive onore
Frè si konfli monetize lè konsam François Bolloré
Fèy de kondwit yo te ban m nan rebel nan mwen an boule tout
Jodia regrè farinen move zak mwen yo mouye tranp
M met dlo nan je on bann moun ki te konn ap siye pa m
Chak lè ego m fin manje e konsyans mwen ka l siye tab
Tèlman gen kolè k tatouwe nan rega m telman gen krent tou
Tèlman gen istwa k kadnase nan vwam telman gen plent tou
Men pou kounya m met plim nan Domi pandan m espere demen
M ap refomate m pou m vin on meyè vesyon de mwen
Fò w ta viv sa m viv santi sa m santi
Si w anpeche m fè erè w anpeche m grandi
Pa pran m pou modèl
Lavi m s on bòdèl
Ou ka met espwa w sou men m mpa nan wotè l