Marzo: nu pòco chiòve
E n'ato ppòco stracqua
Tòrna a chiòvere, schiòve
Ride 'o sóle cu ll'acqua
♪
Mo nu ciélo celèste
Mo n'aria cupa e néra
Mo d' 'o vierno 'e 'ttempèste
Mo n'aria 'e primmavèra
Marzo: nu pòco chiòve
E n'atu ppòco stracqua
♪
N'auciéllo freddigliuso
Aspètta ch'èsce 'o sóle
Ncòpp' 'o tturrèno 'nfuso
Suspirano 'e vviòle
♪
Catarì, che vuò cchiù?
Ntiénneme còre mio
Marzo, tu 'o ssaje, si' tu
E st'auciéllo song' io
Marzo: nu pòco chiòve
E n'atu ppòco stracqua
♪
Marzo, tu 'o ssaje, si' tu
E st'auciéllo, sòngh'io
Marzo: nu pòco chiòve
E n'atu ppòco stracqua