A Nocht laung auf da Autobaun
Vafoigt von tausend Autoaugn
Da weisse Strich aum Fohrbaunraund
Aum Lenkradl de miade Haund
Von Tschik zu Tschik Kilometa zöhln
Dazwischn an neichn Senda wöhln
Mit hundertsechzg an überhoin
Und a Strof wegn Schnöllfohrn zoin
Da Körpa möcht a Pause hobn
Du bleibst stehn neman Strossngrobn
S'Fensta auf und de frische Luft
Vermischt si mit dem Zigarettnduft
Vorbei ziagt Aug um Augnpoor
Nur für di singen im Chor
De Autorafn kumm guat ham
Da Wind streicht durch de Birknbam
Mit zwölf host no aun Gespensta g'laubt
Mit fuchzehn dir söwa de Unschuid g'raubt
Mit zwanz'g dei erste Gitarr z'saumg'haut
Mit fünfazwanz'g den erstn Unfoi baut
Rechts lockt di da Fohrbaunraund
De Notruafsäuln winkt de not ins Land
Und der gölbe Mittelstrich
Der ruaft da zua ich liebe dich, ich liebe dich
A Nocht laung auf da Autobaun
Steife Händ und miade Augn
Imma grodaus Stund um Stund
Da Mond is gölb und kuglrund
Des Fensta zua und links wird blinkt
Da Heller sein Verwunschen singt
Du waßt warum du Kilometa frisst
Weu du a verwunschen bist
Weit vor dir a rotes Licht
Da linke Lungenflügel sticht
Du denkst obst murgn im Toto gwinnst
Wia du in dem rotn Liacht vaschwindst
A Nocht laung auf da Autobaun
Steife Händ und miade Augn
Imma grodaus Stund um Stund
Da Mond is gölb und kuglrund