Gengan zwa politika
Gengan zwa politik mittn auf da stroßn
Der ane hot den dam im oasch der aundre in da goschn
Aum stroßnraund da klane maun
Der winkt mit ana fahne
Hoch lebe unser vaterlaund
Dafür gibts a banane
Sitzn zwa politika hamlich in an beisl
Hom zwa schwoaze koffer tauscht draußn aufn heisl
Bares geld gegen unterlogn
So lochn sa se aun
Und im fernsehn wird belogn
Wie stets da klane maun
Redn zwa politika von ihren stillen konten
Der ane hots in liechtenstein der aundere in pfronten
Da klane maun wü in da bank
Sein konto überziagn
Do erklärt erm da kassier
Geh wabbler moch a fliagn
Liegn zwa politika in da koitn gruft
Der ane hot den dam im oasch der aundre sogt du schuft
Bei meiner letzten transaktion
Do host du mi varrotn
Sölbtsmord wor mei reaktion
Jetzt bin i bei de totn
Warum host des gmocht und wos hot di herbrocht
Host du a bilanz verpfuscht oda an skandal vertuscht
Host du wia i obkassiert oda host du söwa gschmiert
Siedler um ihr göd betrogn, den parteivorstand belogn
Bist du in an nochtklub gwesn host durt den besitzer bissn
Oda host den oidn knochn von an stootswanwoit bestochn
Woits du a a zeitung gründen und für de partei nix spendn
Oda hot di ana zwickt und du bist aun dem dastickt
Fliagn zwa politika direkt in de höll
Der ane hot den dam im oasch der aundare im mäu
Vom himme schaut da klane maun
Voll mißtraun dem flug zua
De zwa verbrennan in da gluat
I hoff jetzt is a rua
Text u. musik: s. maron