Zoru etiko hari
Begiratzen denak
Zapatetan dauzkagun
Zulo nabarmenak
Lur azpian hezurrak
Honenak, harenak
Betiko eguzkiaren
Azpian daudenak
Egiak argi printzak
Dizdiratsuenak
Ekarriko baditu
Zai gaude gehienak
Ez gaitu izutuko
Bihar datorrenak
Lehengo zeru beraren
Azpian daudenak
Iragan ozpinduen
Han mindu zituenak
Beso gurutzatuek
Itotako denak
Bi ertzetara ahaztu
Izan dituztenak
Goikoen bila doaz
Azpian zeudenak