Aarpalaartup saavani
Erfalasoq qiteqqusimasoq qaqortumaarluni illerfik akiarlugu
Paasisinnaanngilaa
Qanigisani nunamut ilineqartoq misigeqqittussanngorlugu
Taartumut pulareerami
Anillassinnaanani inngiasoqinagami
Piffissaq nallerpat qiimmakkumaarputit
Sikkeqqikkumaarputit neriuuteqaannarit
Neriuuteqaannarit
Neriuuteqaannarit
Taartoq ikinngutiga oqaluuteqqilaarusullutit ilinnut iserpunga
Ikumappummi naneruutit qaamanermik tunioraallutik
Piareersimasutut misigileruma
Qujariarlunga tingiumaarpunga
Tupanniaqinasi takugussinga
Ullut pingajuani makikkumaarama
Inuuneq napisutut iligaluaraangat
Anorersuarsiortumiikkaluaraangat
Qaqeqqittarpugut
Nukittortarpugut