Llellipuaiñ ta iñ Wenu Chaw
Alkütunge, llemay, Chaw Dios
Iñchiñ ta iñ ngillatun mew
Chaw Ngünechen, wenu mapu mew müleymi
Faw müley ta mi che choyülkünüel, eymi ta mi pin mew
Elufimi neyen ñi mongeleal ka elufimi newen kalli ñi afnoael
Tunten chi pu che duamtukeeymew
Ta mi elunieafiel mongen fey ñi tremküleael
Amuley doy kechu pataka tripantü petu anta kimngelayiñ
Welu amuleyiñ werken feymew wünenke ülmen kimaeiñmew
Mapuchengen müna lladküiñ may, Chaw Dios ayüwünngey fill
Dinguntuku tripa tripangey eluniefimi ñi newentuleal
Ka trawuluwküeyiñ kalli kiñe wün amuleay ta iñ kimün
Felepe may
Llellipuaiñ ta iñ Wenu Chaw
Alkütunge, llemay, Chaw Dios
Iñchiñ ta iñ ngillatun mew
Ngünechen femten ngillatuwe müley fill lof mew eymi ta mi pin mew ürke
Llellikünütuafimi ta tüfa chi pu che trawuluwkelu
Feymew ka amuley wünen amulkelu dungungülam
Feymew newentuleay ñi afafan ngelay ka kayñetun
Koyladungu feymew ayuwün amuleay ka kelluwayiñ
Lukunagayngün pellken ngelayay reke kuñifallküleyiñ
Ngünemapun elnge ta mi püllü fill piwke mew
Felepe may
Llellipuaiñ ta iñ Wenu Chaw
Alkütunge, llemay, Chaw Dios
Iñchiñ ta iñ ngillatun mew
Fill mapu müley kurewün, Chaw Dios
Ka amuletuy ta iñ wünenke che feymew elelngeyiñ kimün
Chaw Ngünechen eymi ürke chi wülkelu mongen
Ngen koñükey pu malen müley pichike püñeñ choyülkey
Weke che eluafimi kümeke kimün inarumen
Feymew ngoymalayay ñi trekan ngekilpe kewan
Kuifi ngülam akupe ñi piwke mew
Feymew lukunagayngün ta tüfachi pu che ngillañmawayngün
Felepe may
Llellipuaiñ ta iñ Wenu Chaw
Alkütunge, llemay, Chaw Dios
Iñchiñ ta iñ ngillatun mew
Ngünechen eymi elimi püllü ka lif karüleal mapu fill lof mew
Welu duamtuyiñ newentuleal eymi llellikünüpange
Elimi wentru ñi apümnoael chi mamüll chi lemuntu afi chi mawida
Ngewelay lif leüfu fill ta afkonmekey pu wentru doy newenngeturkey
¿Doy tripantü mew iñchiñ kafey afpelayaiñ?
Kuifike che ngillañmawkefuy katrüal kiñe kallwe
Puliwen marimaritukefuy chi antü
Chi mapu eli Ngünechen ñi tükual kalli mongeleal reke
Iñchiñ mapuche reke ngeyfuki ta iñ inarumen
Kimwelayiñ chumngeal Ngünechen
Allkutumuyiñ fenten ngillañmawiyiñ
Felepe may
Llellipuaiñ ta iñ Wenu Chaw
Alkütunge, llemay, Chaw Dios
Iñchiñ ta iñ ngillatun mew