Beste behin buruari bueltak ematen
Ea gizarte subnormal baten bizi ote garen
Gezurrak irensten adituak diren familiak
Jendea itsu dago baina ez ditu pizten argiak
Nork jakin nahi du behartsuak zer dioen?
Nork egingo du negar gosez hildakoen omenez?
Ongi nagoen bitartean besteak ez dira existitzen
Baina gauzak okertzean etorriko naiz laguntza eske
Sinisarazi digute aberatsak garela
Ta egunero jende gehio bizi da kalean
Baina lasai ez kezkatu, zuek estali begiak
Gorbatadun terroristek suntsituko dituzte herriak
Jasotzen dugun besarkada bakoitzagatik
5 ostiko gogor etortzen dira bizkarretik
Zer espero duzu? Hemen ez dago oparirik
Zakurraren bizitza datorkigu guri
Ez dago gure zain egongo den mundu ederrik
Dugun hau aldatzea geratzen zaigu soilik
Gazteok ez badugu borrokatzeko grina
Betiko zerriak gure lepora gizenduko dira
Guztiok gara nahi duguna egiteko aske
Orduan zergatik daude gugatik pentsatzen?
Noiz konturatuko gara hau ez dela bidea?
Estropezu gehiegi egin ditugu jada
Ez galdu denbora besteek zer dioten pentsatzen
Zure burua gutxiesteak ez du batere laguntzen
Denok bukatuko dugu putreen jana izaten
Bizi zaren bitartean argi eduki nor zaren