Oi canilla piccerilla
Ca te chiamme signora auciella
Staje tranquilla tutto 'o juorno
E nun pienz' a chi ce sta attuorno
Oi canilla diavulilla
Tutte dicono: "Che bellella"
Duorme 'nterra cumme straccio
Comme fa' chisto nun 'o ssaccio
Se senta odor de gatta
Pozza diventare matta
Vo' fuì fora d'a porta
'Sta canilla zampa corta
Gratta gratta sotto a lu lietto
Daje nu muorzo pe' dispietto
Sagli 'ncoppa, è bella 'a caccia
E abbaianno a chesta e a chella
'Sta pelliccia mò s'affaccia
E accummencia 'a jacuvella
Sta arrivanno lu codachiatta
Fuje ampresso, si no te schiatta
Curre curre dint'o ciardino
Si nun curre mò t'arruvino
Oi canilla piccerilla
Ca te chiamme signora auciella
Dint'o scuro tutta nira
Statte accuorto ca nun 'a vire
Oi canilla diavulilla
Tutte dicono: "È chiattulella"
Ma nun siente 'sti pparole
Lassa' magna chello che vole
Se po' le vene famme
Accummencia nu baillamme
E fa' comm'a nu balletto
Abbaianno pe' dispietto
Uocchie comm'a nu pupazzo
Cierti vvote fa' ascì pazzo
Miett'o musso tutt'e smierzo
E abbaianno n'ata vota
Tanto 'o ssaie: nun ce sta vierzo
Tutt'o munno s'arrevota
E 'sta buono mò panzarotta
Magna 'a pappa pure si è cotta
Si 'na gatta mò t'ha cuffiato
Cerca buono e ne truove n'ata