Ako ang Perlas ng Silangan
Ako ang Perlas ng Silangan
Ako ang Perlas ng Silangan
Ako ay paraiso sa timog-silangang Asya
Kapuluang puno ng grasya
Talumpung milyong ektarya
Kalupaang siksik sa sustansya
Nagkalat aking mga kabundukan
Karamihan mga dating bulkan
Kaya lupa'y mataba maging sa kapatagan
Nagpapalago ng mga halaman
Mayabong aking mga kagubatan
Sa bunga at kahoy ay mayaman
Sa mga mineral hindi rin pahuhuli
Ako'y kumikinang sa ilalim ng dumi
Malawak aking mga karagatan
Mga ilog ay mga ugat ng aking katawan
Naghahatid ng mga yamang tubig
Kayang dumilig ng mga bukid
Ako'y kinukumutan ng klimang tropikal
Kaya samu't saring buhay sa piling ko'y hiyang
Samu't saring hayop, samu't saring halaman
Ang namumuhay sa alaga kong bakuran
Sapat aking lawak, lalim, at laman
Sapat aking likas na kayamanan
Sapat upang masaganang kabuhayan
Ay makamtan ng tanan kong taumbayan
Sapat aking lawak, lalim, at laman
Sapat aking likas na kayamanan
Sapat upang masaganang kabuhayan
Ay makamtan ng tanan kong taumbayan
Pa'no nagkaganyan, sa yaman ng Pinas hirap ang sambayanan?
Pa'no nagkaganyan, sa yaman ng Pinas hirap ang sambayanan?
Pa'no nagkaganyan, sa yaman ng Pinas hirap ang sambayanan?
Pa'no nagkaganyan, sa yaman ng Pinas hirap ang sambayanan?
Ako ang Perlas ng Silangan
Ako ang Perlas ng Silangan
Ako ang Perlas ng Silangan
Mayamang sadlak sa kahirapan
Ako ang Perlas ng Silangan
Ako ang Perlas ng Silangan
Ako ang Perlas ng Silangan
Mayamang sadlak sa kahirapan