Ene zour madam Bob alle bazar, touzours probleme carry
Nepli conner ki pou cuit, li dire missie Bob to en mani
Jette un peu dans legumes li penser, pou fair plaisir so mari
Ene semaine li assomme Bob ar meme la sauce
Katorz livres lalo pou sept jours diner dejeuner
Carry lalo dans bol, missie Bob li finalema grogner
Li dire pou faire li gagne congolo si ca continier
Pas kapav tous les jours lalo pendant sept jours
Oh, encore lalo?
Si carry lalo encore mo faire la greve, paroles missier Bob
Cuit ene lote carry ki pas pou faire moi gagne congolo
Oui mo ti dire mo content carry lalo mais pas alle ca coumsa
Ena plizier lote zafairs pou manger
La semaine suivante madam Bob roder dans bazar
Katorz livres sousoux ki bien germer, ti sousoux listrer
Li amene ca lacaz li dire mo pou arranz to carry
Sousoux na pas pou faire toi gagne congolo
Mette sousoux dans dal premier coup, lote coup dal dans sousoux
Plisier fois sauce blanche, sauce tou coulere ousa fricasser
Li dire missier Bob tone lev neznez are mo lalo
Aster la mo appuy are sousoux ki to pou dire moi
Oh, encore sousoux?
Si carry sousoux encore mo faire la greve, paroles missier Bob
Cuit ene lote carry par example patoles ou ca pipengaye
Oui mo ti dire mo content nana sousoux mais pas alle ca coumsa
Pose inper pou mo pas gagne disouteri
Patoles mo fine cuit madam dire, pipengaye aussi
Cornes pou sorte are Bob li pretend si li mange ca souven
Le temps mo cuit raves, tous les soirs li reve comeraz
Bredes sonz, bringelles li dire la gratelle
Margoz li a dire ou trop amer, ziraumons trop doux
Voemes tannes, lisoux flere, zaricots tanne li gagne malade lacagne
Pommes de terres toute la nuit li largue bom, li eclate tous mo draps
Aie, aie, aie, dans caraille, rien ki vaille
Oh, coume ca ca, hein? Bon!
Si kan mo coz are doucere pas faire toi peur, paroles missier Bob
La ene lote metode mo servi pou to gagne corrections
Bob enforce ene patole tout so dimension dans la gorz madam,
Madam crier pardon pas pou faire encore
Ca ene ti zistoir bazarier ki fine raconte moi
Dernier fois madam Bob ti aster ene zak pou faire carry
Bazarier peze ene zak katorz livres sans dimander
Madam la guette ca li frissoner
Ek difikilter li penser line avale patole cri
Aster zak katorz livres are so lapo, li pou gagne zaketeri
Sanz so dimension madam dire, donne ene piti piti
Zis pou ene sel repas ki li pou cuit ca