Ukiɣ-d ṣbaḥ tafejrit, nniɣ-as ad ssefruɣ,
Ad i tettraǧu tewṛiqt, turǧa d acu a d-as-ḥkuɣ,
Ukiɣ-d ṣbaḥ tafejrit, nniɣ-as ad ssefruɣ,
Ad i tettraǧu tewṛiqt, turǧa d acu a d-as- ḥkuγ,
Ugadeɣ ad bduɣ tira, wissen allaɣ ma ad yettekki?
Ahat yessarem ttejṛa ɣer lǧedra-s ad yetteki?
Tawṛiqt tacebḥant tesbek, leqlam yugi ad tt-yessebrek,
Iεreq a d-nini, ass-agi inkeṛ iḍelli,
Iεreq a d-nini, ass-a yenkeṛ-it yiḍelli,
Mi d-telḥeq tnaṣfa n wass, dmeɣ-d leqlam daɣenni,
Walaɣ tawṛiqt n snitra ma d tira neɣ d aɣenni,
Mi d-telḥeq tnaṣfa n was, dmeɣ-d leqlam daɣenni,
Walaɣ tawṛiqt n snitra ma d-tira neɣ d aɣenni,
Ugin ad neṭqen lexyuḍ s ṣṣut-nni ssarameɣ,
D acu di d-rran leḥyuḍ? siwa ṣṣut aqdim i sneɣ,
Tawṛiqt tacebḥant tesbek, leqlam yugi ad tt-yessebrek,
Iεerq a naru, leqlam i iḥeznen yettru,
I snitra icennun, lexyuḍ iḥeznen la ttrun,
Tameddit mi yuɣaleɣ ɣer tewṛiqt i di yurǧǧan,
Ttnadiɣ anda a yafeɣ imeslayen i d-iyi-yeǧǧan,
Tameddit mi yuɣaleɣ ɣer tewṛiqt i di yurǧǧan,
Ttnadiɣ anda yafeɣ imeslayen i di yeǧǧan,
Ssawaleɣ-asen s snitra, saεweẓgen, ugin-iyi,
Iḍ fell-i tura i yebda, s εawaz yegguni-yi,
Tawṛiqt tacebḥant tesbek, leqlam yugi ad tt-yessebrek,
Aεwaz yiwiyi, isefra ɣunzan-iyi,
D uεwaz a nennaɣ, isefra ɣunzan-aneɣ,
Waqila fehmeɣ tura tamsalt anida tεeweq,
Mi ruḥeɣ ad bduɣ tira, allaɣ-iw ad isewweq,
Waqila fehmeɣ tura tamsalt anida tεewweq,
Mi ruḥeγ ad bduo tira, allaɣ-iw ad isseweq,
Yettsewiq s ayen i t-yewwin, iḥulfa s teḥjurt mi txuṣ,
Yewεer ma yehlek meskin yiwen seg iḍudan ufus,
Tawṛiqt tacebḥant tesbek, leqlam yugi ad tt-yessebrek,
Iɣdeṛ-ik lḥal, a yimi i iɣunza wawal,
Iɣdeṛ-ik zman, rǧu ma d-ṣeggmen wussan,
Kkreɣ ad fɣeɣ dayen, allaɣ yegguma ad-yini,
Ula akken εawdeɣ daɣen rziɣ ɣef tewriqt-nni,
Kkreɣ ad fɣeɣ dayen, allaɣ yegguma ad-yini,
Ulla akken εawdeɣ daɣen rziɣ ɣef tewriqt-nni,
Ufiɣ deg-s seggment tira kra id-ḥkiɣ, yers-d fell-as,
Amzun ɣer lxiḍ tcuba ɣef rsent tfirellas,
Tawṛiqt tacebḥant tecbek, s-leqlam tuli-tt tebrek,
Mi yeεreq a d-nini, asefru ad aɣ-d-yesmekti,
Mi nruḥ ad nettu ad aɣd-inbec usefru...