Lounis Ait Menguellet - Ddin Amcum - текст песни и слова, похожие исполнители

Kishore Kumar Hits — Lounis Ait Menguellet - Ddin Amcum текст песни

Исполнитель: Lounis Ait Menguellet

альбом: Isefra

Lqum yettabaε lqum
Aseggas yerna ɣer gma-s
Wissen ma ad aɣ-ffɣen lehmum
Wissen ma ad aɣ-yaweḍ wass
I deg ur nettalas
I deg ur nettwalas
Ad nertiḥ i ddin amcum
I umdan i yetɣaḍen
Yezga s ṭlaba ɣef yiri-s
I tubeε-it ddin yuḍen
Am wakken yefla lǧib-is
Tin yekfan tayeḍ nniḍen
Ad d-tas ad tekrez anyir-is
Yal tin ad t-id-yessiwḍen
Ad as-tezwi seg yiɣes aksum
Wissen ma ad t-id-yaweḍ was
I deg ur yettalas
I deg ur yettwalas
Ad yertiḥ i ddin amcum
Seg wasmi i yenza wulac
S berru kan id d-ttaɣem
Aseɣwen tewwim-t d ccac
Yal suq tettwakkelxem
Uḥricen ttεabbin tirac
D ddin i tettxelliṣem
Γiwel nser-d seg leryac
Uqbel tafat ad ak-tt-iɣum
Ahat ass-n ad tuɣaleḍ
Ur tettalaseḍ
Ur tettwalaseḍ
Ad tertiḥeḍ i ddin amcum
La nsenni ṭlaba am uẓeṭṭa
Mkul aḍraf s nnuba-s
Wa s wawal wayeḍ s tira
Deg yiḍ nettargu lexlaṣ
Amdan yeḥseb ur yufa
Anda yedda ad yettwalas
Yeḥsel yugi neɣ yebɣa
Yettwalas wa ad-as ternum
Yuyes melmi ad d-yaweḍ was
I deg ur yettalas
I deg ur yettwalas
Ad yertiḥ i ddin amcum
Yiwen was kkreɣ-d tasebḥit
Friɣ-tt-id akked rray-iw
Giɣ-as lḥed i twaɣit
Msefhameɣ d yiman-iw
Wa ixelleṣ-aɣ wayeḍ nxelleṣ-it
Mfaraqeɣ d ddin-iw
Win yettalasen ayla-s yewwi-t
Ur yezmir ad iyi-lumm
Ddreɣ almi i ssawḍeɣ
Ur ttalaseɣ
Ur ttwalaseɣ
Rtaḥeɣ as i ddin amcum

Поcмотреть все песни артиста