In cuss'ora di alligria
De biancu fiat bistia
"Bai cun Deus, sa prenda mia
Dònnia beni a ti gosai"
Milli arrugas de pigai
Pagu vida de lassai
Milli istocus de nci cravai
In su petus de mamai
Nemus t'at a arregordai
Chen"e alentu po istimai
Chen"e coru'e perdonai
Chen"e fogu 'e ingennerai
Peddi lisa e purpurina
A lugori 'e friscas neas
As a essi in cussas seas
De dònni' òmini reina
As a tenni in dònnia terra
Genti istrangia de imprassai
E de celu cudda perra
Dd' as a podi tramudai
Chen"e tenni timoria
Sposa noa de àturu rei
Chi fieli a un'atra lei
T'at a bolli sèmpiri bia