Se sabiatz, Mon pais
A ni nom ni Frontièra
Dins lo vèrs s'espandis
D'una fola epopèia
Se trapa pets camins
Dins los sang de las pièras
Dins lo caud del rasim
Dins l'amar de l'albièra
Se sabiatz, Mon pais
S'escond per las genèstas
Dins la flore qu'espelis
Dins lo cor de las bèstias
Dins l'ombra que blanquis
Dins l'autan que despelha
Dins la doçor d'un nis
O lo pols d'una fuèlha.
Mon pais es aval
Al mièg d'una carrièra
Ont dançan tres enfants
Per un sou dé misiéra
Es aval dins lo crit
D'un freta-sauvatons
Que rebala vencit
Sens espèr de retourn
Mon pais es al fons
D'una preson de trévas
Que n'an per tot resson
Que lo marcha o créba
Mon Pais es pertot
Ont son los privats d'ésser
Sens papièrs ni aunor
Sens ostal o sens tèrra
Se sabiatz, Mon pais
A ni nom ni Frontièra
Dins lo vèrs s'espandis
D'una fola epopèia
Se trapa pels chauchilhs
Lo canin d'una talvera
Lo fisson del perilh
La joia bartasièrra
Mon pais es aqui
Ont grana la colèra
Sul punh que se brandis
Dins lo fuoc, la lassièra
Dins l'èrsa que nos pren
Dins l'èrsa que nos geta
Dins l'apèl de l'avenc
Dins las mans de l'aubeta
Se sabiatz mon pais
S'amaga per las raras
De l'ora que fugis
E que sembla eternela
Dins la colors passidas
Dins las sentors salvatjas
Dins la saba de vida
Dins la paur de l'aigatge
Se sabiatz, Mon pais
A ni nom ni Frontièra
Dins lo vèrs s'espandis
D'una fola epopèia
Pertot ont l'amor nais
Pertot ont l'amor puèlha
Dins lo fum del pantais
Lo breç d'una quimèra
Dins los mots d'un enfant
Dins l'algach d'una femna
Ont lo rire pren vam
Ont s'esquiçan las penas
Se sabiatz, Mon pais
A ni nom ni Frontièra
Dins lo vèrs s'espandis
D'una fola epopèia
S'escond al fons del riu
Dins lo secret de l'èrba
L'arma des recaliu
Dins lo les d'una quèrba
Mon pais resplendis
De mila cantalenas
Que dança a l'infinit
Un poble de serenas
Finta plan mon pais
El n'a dieu ni mèstre
Un canal que corris
Sens tralhas ni cabèstre
Mon pais es pertot
Ont la sola batesta
Es de gardar lo gost
D'un lendeman de fèsta
Se sabiatz mon pais
Es pertot que t'espera
S'existis pas enloc
En sus la tèrra entièra