U me paese hè qui a l'attichju d'un scalu
U mari longu canta in a marina spenta
Chi mondu purtarani in matini di ventu
Chi brama o chi turmentu
U Mari longu inticcia e pienghji una sirena
S'azzinga u migranti à i sogni di rena
In cerca d'una sponda un focu senza guerra
Pur' una lenza incerta o un anghju di terra
In un mondu c'ùn sà
Trà moghi o falsi rè
Trà l'essa o l'avè
Ci sarà sempri un cantu
Ci sara sempri un cantu
Da scoglia l'addisperu
Un innu o un lamentu
Da richjarà u ventu
Da parà a miseria s'inalzanu i muri
Miditarraniu hè sciancu è dici u frastornu
Da l'altu di i me lochi sona l'ingratu cornu
D'una paura torna
Miditarraniu vechju da la to ribba in fondu
Ci balla u migranti a goffa tribisonda
Di tanti passi immersi à li guai annudati
Chi puneni ingordu piglia senz'avè datu
In l'isula c'ùn sà
Trà marosu è marina
Trà l'onda è a ruina
Ci sarà sempri un cantu
Ci sarà sempri un cantu
Una via una spera
Un innu o un lamentu
Da richjarà u ventu
Fredericu Poggi