Pro su tempus chi siet bonu
Pro su mustu chi siet binu
Sas carrelas chi nos fettan su caminu
Pro sas mamas e sos babbos,
Chi nos idana imbetzare
Pro sa vida, pro sa vida chi siet vida
E pro tottu s'istracchesa chi m'istento a poderare
Pro sas penas ammacchiandemi a sa cua
Chie mi torrat a pitzinnu, chie mi torrat a contare
Chi sa tiligherta naschet dae sa coa
Sos pitzinnos in s'iscalas cando currene a giogare
In pigada sicomente siet falare
Pro sos betzos in s'iscalas cun sos pes dae pigare
Chi bos paret chi non deppan arrivare
Pro cust'arbore fioridu chena fruttos dae cumprire
Ca su tantu ch'est su tantu de fiorire
E unu rampu attinde fruttos dae sos arbores corcare
Pro niunu chi los hat a mandigare
Bessi su sole Segnore nostru
Nostru Segnore lughe su sole
Omine 'e chelu, Domine 'e chelu
Bessi su sole, lughe sa die
Chie si ortat a su turmentu a s'iscuru de una cresia
Ca in su coro non b'hat logu 'e resonare
Su turmentu che unu ou s'ater'unu si l'accosiat
Poi lu segat e si lu coghet cara a sole
Sos massajos e su semene isparghinde chen'e abbare
Ca su proere non lu poten guvernare
Ma fit tempus pro sa terra, ca fit ora 'e semenare
Su tribagliu l'abbisonzat tribagliare
Bessi su sole Segnore nostru
Nostru Segnore lughe su sole
Omine 'e chelu, Domine 'e chelu
Bessi su sole, lughe sa die
Cando est tardu pro mene
Tando est tardu pro a Tie,
A su sole lu lessas bessire.