आदिदेव नमस्तुभ्यं
प्रसीद मम भास्कर
दिवाकर नमस्तुभ्यं
प्रभाकर नमोऽस्तु ते
सप्ताश्व रथमारूढं
प्रचण्डं कश्यपात्मजम्
श्वेत पद्माधरं देवं
तं सूर्यं प्रणमाम्यहम्
लोहितं रथमारूढं
सर्वलोकपितामहम्
महापापहरं देवं
तं सूर्यं प्रणमाम्यहम्
त्रैगुण्यश्च महाशूरं
ब्रह्माविष्णु महेश्वरम्
महापापहरं देवं
तं सूर्यं प्रणमाम्यहम्
बृह्मितं तेजःपुञ्जञ्च
वायुराकाशमेव च
प्रभुत्वं सर्वलोकानां
तं सूर्यं प्रणमाम्यहम्
बन्धूकपुष्पसङ्काशं
हारकुण्डलभूषितम्
एकचक्रधरं देवं
तं सूर्यं प्रणमाम्यहम्
तं सूर्यं लोककर्तारं
महा तेजः प्रदीपनम् ।
महापाप हरं देवं
तं सूर्यं प्रणमाम्यहम्
तं सूर्यं जगतां नाथं
ज्ञानप्रकाशमोक्षदम्
महापापहरं देवं
तं सूर्यं प्रणमाम्यहम्
सूर्याष्टकं पठेन्नित्यं
ग्रहपीडा प्रणाशनम् ।
अपुत्रो लभते पुत्रं
दारिद्रो धनवान् भवेत्
अमिषं मधुपानं च
यः करोति रवेर्दिने
सप्तजन्मभवेत् रोगि
जन्म जन्म दरिद्रत
स्त्रीतैलमधुमांसानि
ये त्यजन्ति रवेर्दिने
न व्याधि शोक दारिद्र्यं
सूर्य लोकं च गच्छति
स्त्रीतैलमधुमांसानि
ये त्यजन्ति रवेर्दिने
न व्याधि शोक दारिद्र्यं
सूर्य लोकं च गच्छति