Jocelyn Chan - 平靜之音 - Sennheiser AMBEO Soundbar Plus 音頻治療體驗 – Stereo Version - текст песни и слова, похожие исполнители

Kishore Kumar Hits — Jocelyn Chan - 平靜之音 - Sennheiser AMBEO Soundbar Plus 音頻治療體驗 – Stereo Version текст песни

Исполнитель: Jocelyn Chan

альбом: 平靜之音 (Sennheiser AMBEO Soundbar Plus 音頻治療體驗 – Stereo Version)

歡迎嚟到平靜之音音頻治療體驗館
請搵出一個舒服嘅坐姿然後閉上雙眼
開始慢慢深呼吸幫自己放鬆
♪
係日常生活可能好少時間可以屬於自己
今日呢一段音頻嘅時間希望大家可以好好享受
♪
我哋首先將注意力返到嚟呢一刻
感受吓呢一個空間空間俾到你嘅感覺
感受吓身體呢一刻唔同位置嘅狀態
♪
我哋試吓將注意力放到去身體嘅左邊
感受吓每一次呼氣左邊身體都會愈嚟愈沉下放鬆
♪
然後我哋將注意力放到去身體嘅右邊
同樣感受下每一次呼氣右邊嘅身體沉下放鬆
然後我哋由頭頂感受到落尾龍骨再上返頭頂
感受吓身體整個運作和諧嘅運作
♪
繼續深呼吸嘗試將每一個一呼一吸
都放到最慢感受到最深
♪
我哋容許音頻包圍住我哋
透過吸氣容許頻率震動進入我哋身體
♪
係第一段剩返落嚟嘅時間
我哋嘗試幻想自己浮咗係一個
一係全黑一係全白或者你舒服嘅淨色嘅空間
呢一度你會覺得好安全平靜
呢一度無過去無將來只需要呢一刻呼吸享受感受吓自己嘅存在
容許自己休息吓放鬆感受吓聲音可以帶嚟嘅平靜
♪
感受過自己當下呢一刻嘅狀態之下
我哋開始幫自己釋放積聚咗嘅情緒同埋壓力
首先都係專注於深呼吸感受吓流動嘅頻率
♪
依家我哋嘗試感受每一次呼氣一呼
道氣穿過身體然後係我哋接觸地下嘅位置離開身體
然後透過呢一個呼氣
我哋幻想可以將所有我哋唔想再要嘅感受情緒
影響緊我哋嘅壓力事情人物
聽過嘅說話，任何嘢都可以扔走
一呼就離開身體
我哋勇敢去直視面對承認
呢一刻影響緊我哋嘅每一件事然後將佢呼走
♪
係現實生活未必可以將佢呼走
亦都唔代表我哋唔理呢件事
只不過呢一刻我哋唔需要處理
就算覺得呼唔走都可以將佢擺埋一邊
每次一呼都幫自己呼走一啲知道對自己無益嘅能量
幫自己返到去更簡單更輕更純粹嘅一個自己
♪
嚟到呢一段嘅結尾我哋多謝自己做咗呢一個嘅清理
用嚟緊嘅幾次吸氣一吸將道氣同注意力
帶到落自己心口心輪嘅位置感受下自己內心嘅狀態
♪
嚟到第三段我哋幻想自己
處於一個非常舒適嘅大自然環境
係呢一度我哋可以將所有嘅煩腦交俾大自然去洗滌
從大自然嘅頻率中搵出一個重生嘅能量
♪
容許頻率好似雨水咁樣沖過我哋身體
容許震動入到我哋心靈最深處嘅地方
明白頻率有能力去幫我哋身體調頻
返番去更健康更平衡嘅狀態
我哋用少少時間幻想吓
呢一個最理想嘅狀態嘅自己又會係點樣
嘗試係心裏面清晰地咁樣描述俾自己聽呢一個狀態
然後祝福自己可以達到
♪
嚟到差唔多最後我哋返番去一開始嘅深呼吸
純粹用剩返落嚟嘅時間去享受吓呢一啲療癒嘅頻率
享受吓自己嘅狀態
嚟緊會聽到七個聲音
每一個聲音都會震動到身體嘅唔同位置
由尾龍骨開始一路沿住脊椎唔同嘅部位
慢慢上到去頭頂然後再落返嚟
我哋最後將注意力再次返到嚟自己身體
呢一刻感受吓呢一啲唔同嘅聲音同埋身體共鳴
♪
嚟到最後我哋返番去一開始嘅深呼吸
可以睇吓仲有無嘢想幫自己呼走
用剩返落嚟嘅時間純粹享受吓依家嘅狀態
享受吓療癒嘅頻率
然後覺得舒服嘅時候就可以張開雙眼
返到嚟呢一刻呢一個房間去感受最後幾個頻率
♪
多謝大家嚟體驗音頻治療
希望大家可以帶住記住呢一個高頻調頻嘅狀態
去迎接未來

Поcмотреть все песни артиста