Униартан цэнхэртэх уулс толгодоо
Утаа нь суунаглан харагдах бор гэрээ
Хойморт заларч гэр дүүргэх аавыгаа
Хошуу дэвсэн хүүгээ эрхлүүлэх ээжийгээ
Далай эхийг үгүйлэх нутгын буурал өвгөдөө
Даахитай даага зайдагнасан балчир насаа
Самсаа шархиртал янцгаах адуут нутгаа
Сэтгэл сэргэм хээрийн сэвэлзүүр салхиа
Санаж байна би санаж байна
Сэтгэл зүрхээ бэтгэртэл санаж байна
Хойморт заларч гэр дүүргэх аавыгаа
Хошуу дэвсэн хүүгээ эрхлүүлэх ээжийгээ
Сэтгэлд урган мандах Монгол эх орноо
Сэлээд баршгүй онгон хөрст газраа
Хүний нутагт амсаагүй цэнгэг усаа
Хүсэх тутам цээж тэнийх цэлмэг тэнгэрээ
Санаж байна би санаж байна
Сэтгэл зүрхээ бэтгэртэл санаж байна
Самсаа шархиртал янцгаах адуут нутгаа
Сэтгэл сэргэм хээрийн сэвэлзүүр салхиа
Санаж байна би санаж байна
Сэтгэл зүрхээ бэтгэртэл санаж байна
Хүний нутагт амсаагүй цэнгэг усаа
Хүсэх тутам цээж тэнийх цэлмэг тэнгэрээ