Ногооны униар дээлнээс минь үнэртсэн
Толгодын салхи сэвлэгэнд минь эрхэлнэ
Номин тэнгэрт эрх дураараа шувууд нисээд
Томоогүй нас минь он жилүүдтэй урсана
Цас будрах шиг гэгээн уянгатай
Цайлган хонгор залуу нас минь
Гэмшлийн сүүдэр зүрхэнд минь унаагүй
Гэнэн итгэмтгий оргилуун нас минь
Хайрын дуулал сэтгэлд минь эгшиглэсэн
Харц ялдам хонгор чи мишээнэ
Хан тэнгэрт үүлс нь амгалан нүүгээд
Хүүхэд нас минь он жилүүдтэй урсана
Цас будрах шиг гэгээн уянгатай
Цайлган хонгор залуу нас минь
Гэмшлийн сүүдэр зүрхэнд минь унаагүй
Гэнэн итгэмтгий оргилуун нас минь
Хойморын салхи мөрөн дээр минь дэрвэсэн
Золбоо аз минь түмэн оддоор гэрэлтэнэ
Хөх тэнгэрт наран өдөржин гялалзаад
Залуу насаар минь он жилүүд гоёно
Цас будрах шиг гэгээн уянгатай
Цайлган хонгор залуу нас минь
Гэмшлийн сүүдэр зүрхэнд минь унаагүй
Гэнэн итгэмтгий оргилуун нас минь