A pediscalza
Quand' ella s'avanza lesta è sgualtra
Ch'ella inizia un passu pediscalza
Si suspende ogni suspiru
U silenziu natu in giru tandu...
Quand'ella s'avanza a pediscalza
E si scioglie e chjome è u mondu capalza.
Hè a passione entrata in ballu
Per una festa
Hè a catena mandata in pezzi
Hè a timpesta.
Và è vene è volta girivolta
U pannu legeru si ne porta
I suspiri cun i cori
In un mondu di culori tandu...
Quand'ella s'avanza a pediscalza
E si scioglie e chjome è u mondu capalza.
Ripigliu
Hè a passione entrata in ballu
Per una festa
Hè a catena mandata in pezzi
Hè a timpesta.
A pediscalza entrata in ballu per una festa
Hè a catena mandata in pezzi
Hè a timpesta...