Soffiu di terra luntana
Pianure da cavalcà
Pè a Mèrica suttana
Chì mi face sunnià
Nant'à un'aria Buliviana
Di l'indianu Quechua
Vò da l'altiplano ad Atacamà
Cù lu mio cavallu
Chjoma in libertà
Li mùcanu e ferite
À quelli chì stanu quì
E venice di e lite
Ùn puderanu smarì
Da e surghjente salite
À e mine di Potosì
Vò da l'altiplano ad Atacamà
Cù lu mio cavallu
Chjoma in libertà
In lu campu suminatu
Strazii à ùn pudene più
Sotta à un sole spietatu
Chì ti brusgia da quassù
Oramai accecatu
Da e neve d'Illampu
Vò da l'altiplano ad Atacamà
Cù lu mio cavallu
Chjoma in libertà
Visu tondu in culore
Zitellucciu natu avà
Tù sè u più bellu fiore
Figliolu d'Atahualpa
Liberu come l'altore
In li venti d'Ajama
Vò da l'altiplano ad Atacamà
Cù lu mio cavallu
Chjoma in libertà
Vò da l'altiplano ad Atacamà
Cù lu mio cavallu
Chjoma in libertà