E toccà a te o surella
A casa e simu cuntenti
Da quandu t'era zitella
So fatti li spartimenti
Noi un andemu di male
Ci pigliemu u chjosu e l'ortu
I lochi di Fiuminale
Di cusi bellu rapportu...
A casa per te, u chjosu per me,
Tuttu si ne và, un si pò parà...
Per esse fatti cun core
Un socu se tu risenti
Qualcosa chi si ne more
Parlatu di i spartimenti,
Si ne more una manera
Di campà l'unu cun l'altru
Ancu puru a straziera
Ma di spiritu sanu e salvu...
A casa per tè, u chjosu per me,
Tuttu si ne va, un si pò parà...
Ci vidaremu ogni tantu
Un ghjornu, un'ora arrubbata,
U core quand'ellu e stancu
Si facce ancu una scappata,
In casa induv'ellu he natu,
I lumi ùn so mai spenti,
Ancu s'ellu c'he passatu
U dannu di i spartimenti...
A casa per tè, u chjosu per me,
Tuttu si ne và, ùn si pò parà...
A casa per tè, u chjosu per me,
Tuttu si ne và, ùn si pò parà...