Casa antica di paese
A nostra epicà ti pesa
Quandu da lu to scalone
Ne parla un'antru padrone,
Sterai sempri listessa
S'ellu ùn vene qualchi stranu
A fatti ùn antra bellezza
Cù la so mescula in manu,
L'anisò nant'a facciata
Scritta di vechja calcina
Si a cugnola hè affacata
Ùn'hè micca una ruvina
Nantu'a u tettu sculuritu
Ùn fume di mucciu seccu
Si ne va cume sparitu
Ùn simu senza suffiettu,
A cavallu a duie legne
U trepedi s'alligriscie
Da nant'a fiare chi pienghje
U chjatarellu s'alliscie,
Da la to stanza a sullana
Senti u rumore in cuccina
In piazza hè ghjunta fasgiana
C'hè qualchisia in cantina,
A pulizzia di Pasqua
L'un ti lascia senza aiutu
E femmene vanu'a l'acqua
E mettenu u chjassu a nudu
Per u focu di Natale
Ogni unu facci un rigalu
U riccu metti una ceppa
E tu a to legna secca,
A quellu chi passa solu
Stancu assai e furesteru
Quand'e tu li facce mottu
Li cacci cume'un pensieru,
Non nund'andera di male
I ghjorni di tempurale
Si nantu'a u to purtellone
Metti u pane di San'Antone,
Casa antica di paese
Oghje più bella che prima
Chi l'ha più a forza di legge
Per salvati la mio rima,
Se tu cambii di padrone
Guardà ch'ellu sia Corsu
Ellu hè natu testimone
Dunque espostu a lu rimorsu,
Se tu cambii di padrone
Guardà ch'ellu sia Corsu
Ellu hè natu testimone
Dunque espostu a lu rimorsu...