Isula idea di la mio alba
Rosula altea è la vitalba
Fiore chì sbuccia è chì ci chjama
Fiore chì s'apre è dà la brama
Isula
Isula radica di a mio vita
Rispiru d'una acqua salita
Basgiu lampatu da i zitelli
Basgiu cascatu da i batelli
Isula
Isula idea di u viaghju
Di l'odissea ch'io feraghju
Mandile spartu di li mio sogni
Mandile crosciu: ùn ti vergogni
Isula
Isula celu tintu di sole
Ancu quandi un nulu dole
Chì a frasca s'alza è ci balla
Cum'è un penseru di farfalla
Isula
Isula idea di li mio strazi
A voglia mea ma chè tù sazi
Ochju avvagliutatau da u sole
Ochju calatu di ogni amore
Isula
Isula fata è mai morta
Cuscogliula chì u ventu porta
à u locu ascosu di u core
Duve u ricordu ùn pò mai more
Isula