A tot entorn l'esper s'encabana
A tot entorn lo chaple si debana
Lo còr es lord e la testa s'engana
E ton solei si vela e s'entana
Ti vaquí l'indian dins la resèrva
Ti vaquí lo peis dins la consèrva
Ti vaquí l'avarià que s'enlèva
Ti vaquí nonren coma una trèva
Per ton ciele encara la nivolada passa
Ara cerquèu l'estèla dins tot'aquela crassa
Escota lo grand pin
Escota lo rocàs
Escota lo sorgent
Que canta per l'ermàs
Escota un pauc l'alen
Qu'escoba lei terrassas
Escota dins lo vent
La respònsa es en plaça
Escota mon amic
Escota la resp ò nsa es dins lo vent
Tant de nau anbé tant de metjans
Tant d'engèni per ti rompre l'envan
Tant de gaubi per barrar lo carcan
Tant de vendut e tant de cortesans
Ti vaquí anbé la lenga trencada
Ti vaquí anbé ta vila arroïnada
Ti vaquí anbé l'astrada tapada
Ti vaquí anbé l'ama abasimada
Ton istòria s'escafa sensa laissar de traças
Ara cerquèu l'estèla dins tot'aquela crassa
Escota lo grand pin
Escota lo rocàs
Escota lo sorgent
Que canta per l'ermàs
Escota un pauc l'alen
Qu'escoba lei terrassas
Escota dins lo vent
La respònsa es en plaça
Escota mon amic
Escota la resp ò nsa es dins lo vent
Grelha la flor sus lo parapet
Grelha l'amor dins lo jovenet
Grelha l'ardor dins lo raiolet
Grelha lo jorn dins ton risolet
Ti vaquí sus la premiera linha
Ti vaquí a rebutar la guinha
Ti vaquí ta paraula reguinha
Ti vaquí lo lassitge s'esbinha
Per ton ciele encara la nivolada passa
Mai ara viéu l'estèla dins tot'aquela crassa
Escota lo grand pin
Escota lo rocàs
Escota lo sorgent
Que canta per l'ermàs
Escota un pauc l'alen
Qu'escoba lei terrassas
Escota dins lo vent
La respònsa es en plaça
Escota mon amic
Escota la resp ò nsa es dins lo vent