A tamɣart celx abzim-im
Iwexxed-ikem mmi-m
Yefka tayett i yeεdawen
Ula i d am-d-iga ttexmim
Ḥerz imeṭṭawn-im
Rnu-t ɣer wid yemmuten
Lemmer di s-terriḍ aḥkim
Ur d-ittneqlab ɣer yiri-m
Ad tzuxxeḍ yis-s ger medden
Ad tzuxxeḍ yis-s ger medden
Heeeem, heeeem, heeeeeeeem, heeeeeeeem
Sikked sanda i-kem-yessaweḍ
Ɣef uḥezzeb yerkeḍ
Ur d-iǧǧi iseɣ di lǧeṛṛa-s
S anda akken imeyyez yewweḍ
Ihemmej yesseḍ
Di zik tenwiḍ-ṭ d asalas
Ass mi ara s-irad ad yenfeḍ
Ur tzemmreḍ ad t-id-jebreḍ
Zzman ad as-d-iḥud tilas
Zzman ad as-d-iḥud tilas
Heeeem, heeeem, heeeeeeeem, heeeeeeeem
Yesserbaḥ deg yexṣimen-is
Iweddef atmaten-is
Am wakken d nitni i as-tt-igan
Nnif yerra-t d asfel-is
Yenneḍ-it i wallaɣ-is
Yeẓẓul fell-as deg yiɣeẓran
Ur ḥezzen ɣef lmut-is
Ur testenfeε tudert-is
D akal ara s-ixdmen ccan
Deg yexf-im ṣṣber ẓẓu-t
Ssway-it d ttbut
S yis-s ara tqazmeḍ ussan
Beggen-asen-d d tameṭut
D tigejdit n tmurt
Zdi lqedd-im deg yizenqan
Xas texṛeb taεrεq tefsut
D tasa-m ad tesrugmut
Ur telli tiyita deg yimeɣban
D lakul i d as-ttigan
Ur telli tiyita deg yimeɣban
D lakul i d as-ttigan