Xelsaɣ adrar s idammen-iw
Xellseɣ adrar s idammen-iw
Ad yeqqim later-iw
Xas gullen ad at-sefden
Wid yettganin di lmut-iw
Wid yettganin di lmut-iw
Yessamsen issem-iw
Kul tizi a yi-d-mlilen
Atas i ǧiɣ si lḥeqq-iw
Armi i qqlaɣ seg lexxaxen
Wtaɣ, dliɣ ɣef nnif-iw
Ufiɣ wigad i t-yesxewden
Xas yeǧǧa lgehd iɣallen-iw
Mazal ssut-iw ad yebbaɛzaq
As-d-slen!
Nnan yeqqers-d wedrar
Keččini ur teḥdired ara
Bnadem i bnadem yeqqar
D amenzu n yennayer ass-a
Nnan yeqqers-d wedrar
Keččini ur teḥdired ara
Bnadem i bnadem yeqqar
D amenzu n yennayer ass-a
Teǧǧuǧeged tmurt am lefnar
Di Tizi tressa rraḥba
Di Bgayet yeṭṭerḍeq waɛbar
Rzan azaglu n tlufa
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!
Annaɣ, mennaɣ win iḥedren
Xersum ad ẓẓegɣ awal!
Lemḥayen i-d-iyi-yuɣen
Uɣalent-iyi d ras-lmal
Imi Leqbayel ddukklen
Yir laâyub at-n-sefden
Ul ayɣar teɣzi n wawal
Tamaziɣt d lsas nnsen
D azar n tudert nnsen
D lweqt ad ferzen lecɣal
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!
Xas yeččeḥ wul-iw, maɛdur
Gar awen imi ur ḥdireɣ ara
Atas ig ɛebba yeççur
Zzay ur yezmir ara
Xas yeččeḥ wul-iw, maɛdur
Gar awen imi ur ḥdireɣ ara
Atas ig ɛebba yeççur
Zzay ur yezmir ara
Yebɣa ad as-d-slen laârur
Widen ara yeççen ahicur
Mi akka tuzdag nnaɛma
Win i s-yennan awhid meḥqur
A d-yas a d-izid lahdur
Mi akka ɣuri i d-terza sseḥḥa
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!
Yir lahdur ṣeffden ddnub
Id-nnan imezwura
Ul ayɣar a ttfeɣ addud
I wayen ur nesɛi lmaɛna
Yir lahdur ṣeffden ddnub
Id-nnan imezwura
Ul ayɣar a ttfeɣ addud
I wayen ur nesɛi lmaɛna
Ad yuɣal ad yeḥlu ufud
Ad as-teslem i ugrud
Ad yettɣenni ɣef Timmuzɣa
Ayen i ɣ-d-yegga Dda Lmulud
Deg yigenni iban-d am rrɛud
Wiss' ma tḥulfam i tmeqwa
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!
Lɛmer-iw, lɛmer-iw
D idurar ay d lɛmer-iw!