Matud nila ako dili angay
Nga magmanggad sa imong gugma
Matud nila ikaw dili malipay
Kay wa ako'y bahandi nga kanimo igasa
Gugmang putli mao day pasalig
Maoy bahandi, labaw sa bulawan
Matud nila kaanugon lamang
Sa imong gugma ug parayeg
Dili maluba kining pagbati
Bisan sa unsa nga katarungan
Kay unsa pag bili ning kinabuhi
Kon sa gugma mo hinikawan
Ingna ko nga dili ka motoo
Sa mga pagtamay ko nga naangkon
Ingna ko nga dili mo kawangon
Damgo ko'g pasalig sa gugma mo
Ingna ko nga dili ka motoo
Sa mga pagtamay ko nga naangkon
Ingna ko nga dili mo kawangon
Damgo ko'g pagsalig sa gugma mo