Krutsay
Krutsay! Ang sakayanon nagtawag sa hangin
Krutsay! Kon ang kalantap sa dagat magsakit (maghagit?)
Kalaay gayud, kabug-at sa gaud
Ug kainit nga daw mamahit
Midag-um, midag-um na
Dapit sa atong habagatan
Pagbantay-bantay mga kauban
Ang timbangan dili pagbiyaan
Ayaw baya kalimot
Nga gikalisangan kining hangina
Mogisi sa layag
Muguba sa atong sakayan.
Timbang kamo, hinubig kamo
Dagan ngari, dagan ngadto
Walay labing pait ingun sa kinabuhing sakayanon
Init ug ulan gisawud nga walay pulopasilong,
Aniay pay katugnaw ug kagutom pa gayud intawon
Giantos ang tanan
Kay gimbut-an sa kapalaran.