Kishore Kumar Hits

Bukros Singers - Iliw текст песни

Исполнитель: Bukros Singers

альбом: The Best Of Ilocano Songs Vol. 5


Iti malem nu lumneken diay init
Iti nagsabatan ti taaw ken langit
Nangayed a buya ti maimatangak
Nga isut' mangiparikna iti panagmaymaysa
Ket ti lawag nu rurusenen ti sipnget
Dumteng ton ti sardam, agari ti ulimek
Agkarayam ti lamiis
Ket lumtaw dayta ladawam
Kasla adda ka'd toy sibayko
A paglalailuak
Naglawa ket ngaminen nagbaetan ta a taaw
Nalaklaka la koma nga umayka sarungkaran
Surat wennu retrato di dan to makaanay
Nga innak pangipapasan
Toy iliwko nalaus unay
-INTERMISSION
Iti rabii sakbay nga innak maturog
Alaek ta ladawam iparabawko toy pusok
Makita ka la koma uray nu darepdep laeng
Mabang-aranen toy rikna
Ma ep-ep met toy iliw
Iti bigbigat nu sumingising diay init
Iti nagsabatan ti daga ken langit
Nu bumangonakon sikan ti malaglagipko
Kasarsaritak ta ladawam
Kasano ka itan biagko?
Naglawa ket ngaminen nagbaetan ta a taaw
Nalaklaka la koma nga umayka sarungkaran
Surat wennu retrato di dan to makaanay
Nga innak pangipapasan
Toy iliwko nalaus unay
Nga innak pangipapasan
Toy iliwko nalaus unay

Поcмотреть все песни артиста

Другие альбомы исполнителя

Похожие исполнители