Sjå, dagen sprett i austerætt!
Han livet upp vil yngja.
Sjå, skuggar fly, og solglytt ny
No gylder sky,
Og tusund munnar syngja.
Du sannings sol som rann i jol,
Ver du mi morgonstjerna!
Lys upp min gang som vidsynt vang
All dagen lang,
Mot myrkers vald meg verna!
I all mi gjerd på livsens ferd
Ditt ord mitt ljos må vera!
Gud, styr min stamn til himmelhamn
I Jesu namn!
So skal nok båten bera.
So lid og renn ein dag um senn
Med sol i skuggedalar.
Snart natti lid, og fram det skrid
Til morgon blid
Med song i himmelsalar.
So lid og renn ein dag um senn
Med sol i skuggedalar.
Snart natti lid, og fram det skrid
Til morgon blid
Med song i himmelsalar.