Weni stüre müessti zahle für die biuder i mim chopf
Wäri äuä scho bankrott
Weni stüüre müessti zahle für die sache woni liebe
Wäri äuä nümme hie
Aber hei
Inventar isch kes vermöge
Inventar isch kes vermöge
Inventar isch kes vermöge
Lueg mau a wieni mir gönne
Verzugszinse üppig wie barockfassade
Ha d rächnige scho zaut u si wei trotzdäm mahne
Betribige si zwäcklos z inventar isch nid materie
Aus wod mir chasch wägnä si vier wuche ferie
Entweder schaffsch a – oder steusch a
Si dränge d lüt ad ränder vo dr gseuschaft
U bhoupte nächhär stouz si sige d mitti
Aute figg di – aute figg di!
Bini ehrlech mani gar nümm ire wg wohne
Aber bruche öper womer z configlas ufmacht am mänti morge
Plus stapli töif wes um z ikomme geit
Kontrahär drzue verlouft mi intellekt
I finde de scho irgendwie e wohnig ir länggass
Oder besser gseit i finde irgendöper womers zaut
Und we du geng no nüt vo immobilie weisch
De check am migo sini subprime people lines
Weni stüre müessti zahle für die biuder i mim chopf
Wäri äuä scho bankrott
Weni stüüre müessti zahle für die sache woni liebe
Wäri äuä nümme hie
Aber hei
Inventar isch kes vermöge
Inventar isch kes vermöge
Inventar isch kes vermöge
Lueg mau a wieni mir gönne
U weme carearbeit würd zahle chönntmes när sogar bestüüre
Aber das würd ja zur sterchig vo dr öffentlichkeit füehre
O wes di schins nüt ageit, figgts di äbä glich
U geng wed are bar steisch dänksch e chli a mi
Check mis inventar ab, ha diversi bletter
Wy u hüser wärde mitem auter immer besser
Was wosch du mir verzeue über auter und riifi
Hanes date am friti aabe mitre fläsche wisswii
Vierezwänzg sibe nume fetti jahr
I ha kes pool wüui mis sofa gärn im trochne ha
Es git gar ke grabe zwüsche arm und riich
D gseuschaft isch nid gspaute – nei si isch hybrid
Die wo dunge si si nid ä minderheit
Aber z brot wosi ässe hert wie pflasterstei
Drum muesi teile, drumm bini dunge
Z einzige spili woni kenne nullsumme
Weni stüre müessti zahle für die biuder i mim chopf
Wäri äuä scho bankrott
Weni stüüre müessti zahle für die sache woni liebe
Wäri äuä nümme hie
Aber hei
Inventar isch kes vermöge
Inventar isch kes vermöge
Inventar isch kes vermöge
Lueg mau a wieni mir gönne