Dusse isches heiss
Dusse isches lut
Hie bruchsch du ke peuzmantu
Nur e dicki hut
Z iis schmiuzt vonelei
Bräche muesches nid
Hesch öpis verbroche de zeige si uf di
Niemer brucht e quittig - es git nur e handschlag
Mir si uf ougehöchi s git ke grund zum gägenand ga
Feedback sofort - für sicherheit isch gsorgt
Gossip u dorfgschpräch hei d cams überhout
Herbstsunnestrahle uf gründerzitfassade
Mache üsi strasse zumne papillorama
I schänke dir nüt aber schänke dir i
Wüui teil vo dir bi
Teili mit dir
Chum mir ströie sand ids getrieb
Lö aues la ga u luege was blibt
Aues wie erwartet - z gmües chunnt usem garte
Kes produkt u ke marke - ke kmu u startup
Kes label ke verpackig – mä gseht sofort was sach isch
Weder plastik no grafik no marketing schafft hüt
Si luege zu de chinder - luege zu de aute
Uf dr strass läbsch du e unufgregte autag
Ke work-life spagat - ke zertifikat
Nur e töife blick i douge am ändi vom tag
Herbstsunnestrahle uf gründerzitfassade
Mache üsi strasse zumne papillorama
I schänke dir nüt aber schänke dir i
Wüui teil vo dir bi
Teili mit dir
Chum mir ströie sand ids getrieb
Lö aues la ga u luege was blibt
Steisch du amne trese - weismä was du wosch
Doch si hei ke plan vo dine briefe uf dr post
Du kennsch di u dis umfäud - du weisch vo wo du bisch
Du nimmsch di säuber ärnst wüu dini tate hei es gwicht
Wases het das bruchts - wases brucht das hets
Drum gits o kes ghetz wäge usverchouf und sales
Z perfekte system isch unändlech bequem
We du nid z wit suechsch wirsch unändlech wit gseh
Chum mir ströie sand ids getrieb
Lö aues la ga u luege was blibt