Nanni Svampa - El Rochetè - текст песни и слова, похожие исполнители

Kishore Kumar Hits — Nanni Svampa - El Rochetè текст песни

Исполнитель: Nanni Svampa

альбом: Nanni Svampa Canta Brassens, Volume secondo (ediz. 1971)

La camminava in d'on paltò finta marmòtta
E la batteva i marciapè 'mè ona pigòtta
Ma la se dava on sacch de fà per fà la grana
É mì hoo capì che l'era noeuva e foeura zòna.
Sta povera tosa la m'ha faa inscì tanta pena
Vedèla in gir con sto strascett d'ona sottana
Vedela semper inscì mal organizzada
Che mì gh'hoo ditt fa nò la scema, cambia strada .
Ve disaroo la verità, gh'era la stoffa
Ma se po' nò andà a fà la vita inscì de pressa
Ghe va vess bon de fà i danee senza trass via
Se dev savè tutt i truchett de sagrestia.
Perché per fà anca el sò mestee, pòrca sidella,
L'è minga assee de vess truccada e de vess bella
Te pòdet nò menà i ciappett tutta genada
Ghe va on colpett segonda chi passa per strada.
Dopo pòcch temp gh'avevom numm tutta la zòna
Se dividevom a metà tutta la grana
I'incass cresseven tucc i dì, naturalmente,
Lée l'era el còrp, va ben d'accòrd, ma io la mente.
Poeu in d'ona sera disgraziada ch'el pioveva
Per andà insemma a on sbarbatell de via Borgògna
La s'è impestada 'mè ona scema sta teresa
E la m'ha daa la mia metà de la soa rògna.
M'han faa cinquanta o cent pontur de ròbba strana
Mì hoo pientaa lì de fà el mestee de fa la grana
El rocchetè l'è diventaa on mestee de sciori
Sont minga matt de quell pass chì voo al sanatori.
Poeu l'hoo pientada in de per lee sta brutta stria
Lee l'è tornada a fà la scema in quella via
Adess la va anca coi pollee, brutta barbònna:
Gh'è pròpi pú de religion, santa Madonna.

Поcмотреть все песни артиста