Hoo perduu la trebisonda quand hoo vist passà
La Rosetta tutta bionda insemm al sò papà
S'te savesset che donnetta a vedella andà!
L'era robba de mangialla insemma al papà
Mì gh'hoo ditt "De la Madonna
Tì te see 'l ritratt!
Che 'l Signor me le perdona
Mì sont on po' matt!"
Ohe, se 'l me perdona nò
Pò andà a ciappà i ratt
Oramai son pu 'n gandolla
Mì sont on malnatt
L'era dree per andà al vesper per pregà el Signor
Sont andaa a sgagnaggh i laver per sentì el savor
La me varda tutta rossa e la me dis "tì, oì!"
Poeu la me basa la bocca: i donn fann inscì
Mì gh'hoo ditt "Santa Madonna
Vegna insemma a mì!
Che 'l Signor me le perdona
Mì pensi per mì!"
Ohej, se 'l me perdona nò
Pò andà a ciappà i ratt
Oramai son pu 'n gandolla
Mì sont on malnatt
L'era ona gran brava tosa fresca 'me on sorbett
Gh'hoo dervii on poo de camisa per toccaggh i tett
La me varda de rabiosa e la me dis "Tì oì!"
Poeu la trà via la camisa: i donn fann inscì
Gh'hoo streppaa giò la sotana
L'era de veluu!
Che 'l Signor me le perdona
Ghe l'hoo fada pu!
Ohej, se 'l me perdona nò
Pò andà a ciappà i ratt
Oramai son pu 'n gandolla
Mì sont on malnatt
Hoo perduu la trebisonda quand la m'ha lassaa
"Bene, arrivederci, in gamba!", a gh'è staa nient de fà
La sarà certo sposada cont on quai teron
Che la tegn sarada in cà per salvà l'onor
A me resta solamente la sodisfazion
D'aveggh faa 'na pastrugnada prima d'on teron!
Se 'l Signor me disarà
"Va' tì a ciappà i ratt!"
El savevi giamò prima
Mì sont on malnatt
Se 'l Signor me disarà
"Va' tì a ciappà i ratt!"
El savevi giamò prima
Mì sont on malnatt