Nýkominn af sjó
Launin eru í lómi
Framundan er frí
Og veðrið, það er rjómi
Bíllinn orðinn klár
Í bakpokanum Sómi
Skrúfum niður rúður
Olnbogarnir út
Aftursætisvinirnir í landa' á flöskustút
Splunkunýjir hátalarar að spýta út miklu betri hljómi
Við ætlum
Fimm að fara saman hringinn
Og Fordinn er alveg drekkhlaðinn
Við förum saman hringinn
Og hrellum öll fúlu tjaldsvæðin
Við förum saman hringinn
Og dettum svo í það fyrir
Rúmlega allan ferðapeninginn
Komnir út úr bænum
Palli orðinn veikur
Byrjaður að stíga
Upp úr húddi reykur
En áfram þessi hópur
Heldur hvergi smeykur
Vatnskassanum brynni andlega með þeim
Vodkaflösku sem var eftir fyrir helgi eða tveim
Í Borgarnesi óvæntur og bráðfallegur sjoppustelpusleikur
Við ætlum
Fimm að fara saman hringinn
Þótt Fordinn sé ekki í gallanum
Við förum saman hringinn
Og stefnum á ball í Sjallanum
Við förum saman hringinn
Þótt gleymt höfum allir ýmist
Tannburstum eða tjald og svefnpokum
En gamanið kárnar á Holtavörðuheiðinni
Því helvítis demparinn fór
Við höldum samt ótrauðir lóðbeinu leiðinni
Lögbrotaviljinn er stór
Ef óhljóðin hækka, við hækkum í græjunum
Og harðir við syngjum í kór
Við setjum í diska með Húsvirskum hálfvitum
Og hátt við öskrum með þeim "Bjór, meiri Bjór!"
Við ætlum
Fimm að fara saman hringinn
Þótt Fordinn sé ekki að halda sér
Við förum saman hringinn
Og kannski við finnum Kópasker
Við förum saman hringinn
Þótt dekk hafi sprungið þar og hér
Við höldum áfram hvernig sem fer
Við ætlum
Fimm að fara saman hringinn
Þótt Fordinn sé löngu útbræddur
Við fórum saman hringinn
Sem varð reyndar aldrei hálfhringur
Við fórum aldrei hringinn
Því bæði var bíllinn
Og hver einasti maður
Handónýtur