Was seit mir, wenn eine fasch immer nur lacht
Dihei, im Büro und im Bus
Wenn är siini Arbeit begeischteret macht
Vom Aafang vom Tag bis zum Schluss
Wenn eine chann flueche und nachhär vergisst
Was gsii isch, und stosst mit eim aa
Und d Frau sogar mängisch im WK vermisst
Ja säged, was säged mir da?
Das isch so richtig en Gsunde
Dä isch so zünftig im Schuss
Da cha me würkli nur stuune
Wie macht au dä das bloss?
Dä het s Rezäpt ebe gfunde
Das gsehsch em vo wiitem scho aa
Das isch so richtig en Gsunde
Es Vorbild voneme Maa!
Im Ochse isch d Martha de Schatz vo de Gäscht
Sit sicher bald feufezwänzg Jahr
Si isch zwar scho fasch ehnder müetterlich fescht
Und s fangt au aa graue im Haar
Defür hett si gmüet und än Ängelsgeduld
Und chrampfed wänns sii muess für zwei
Drum sind mir im Ochse und d Martha isch gschuld
So zfriide und fascht wie dehei
Das isch so richtig en Gsundi
Die isch so zünftig im Schuss
Da cha me würkli nur stuune
Wie macht ächt die das bloss?
Das weiss am Stamm jedi Rundi
Im Ochse sitt langem scho gnau
Das isch so richtig en Gsundi
E glatti, sympathischi Frau
Das sind so richtig zwei Gsundi
Die sind so zünftig im Schuss
Da cha me würkli nur stuune
Wie mached die das bloss?
Ich glaube, öis fallt de Grund ii
Für s Gsund sii jetzt sofort
Das sind zwei richtigi Gsundi
Ja klar... die triibet Sport!