Dä Guschti isch en Unglücksraab
S lauft immer alles chrumm
Schlaat är en Nagel ine Wand
So gheit die Wand grad um
Bim Mischte nimmt är jedes Mal
Im Gülleloch es Bad
Und het siin Sunntigsaazug aa
S isch scho choge schaad
"Was mach ich, dass es besser wird?"
Hät är sich überleit
Und ganz en bsunders guete Früünd
Hät das zum Guschti gseit:
A de Pfingschte gaht's am ringschte
A de Pfingschte chunnsch dänn z Schlag
S hätt schliesslich jedä irgendwänn emal en guete Tag
A de Pfingschte gaht's am ringschte
An Oschtere laufts rund
Im Notfall wartisch eifach ab bis ändlich d Wiehnacht chunnt
Dä Guschti hett sich schwer verliebt
So härzig wär die chlii
Doch woners ire säge wott
Da isch är heiser gsi
Är het keis Wörtli usebracht
Und si het nume glacht
Und är hätt ihre doch so gärn
En Hüüratsaatrag gmacht
De Guschti het sich überleit
"S isch nid de richtig Tag
Ich warte, bis es Pfingschte isch
Dänn chumm i besser z Schlag!"
A de Pfingschte gaht's am ringschte
A de Pfingschte chunnsch dänn z Schlag
S hätt schliesslich jedä irgendwänn emal en guete Tag
A de Pfingschte gaht's am ringschte
An Oschtere laufts rund
Im Notfall wartisch eifach ab bis ändlich d Wiehnacht chunnt
A de Pfingschte gaht's am ringschte
A de Pfingschte chunnsch dänn z Schlag
S hätt schliesslich jedä irgendwänn emal en guete Tag
A de Pfingschte gaht's am ringschte
An Oschtere laufts rund
Im Notfall wartisch eifach ab bis ändlich d Wiehnacht chunnt